கோவை மாநகராட்சியில் கொரோனா காலத்தில் சிறப்பாகப் பணியாற்றிய தூய்மைப் பணியாளா்களுக்கு நற்சான்றிதழ்கள் வழங்கப்பட்டது !

-MMH 

      கோவை மாநகராட்சியில் கரோனா காலத்தில் சிறப்பாகப் பணியாற்றிய தூய்மைப் பணியாளா்களுக்கு, நற்சான்றிதழ்கள், பாதுகாப்பு உபகரணங்களை தேசிய தூய்மைப் பணியாளா் ஆணையக் குழுவின் தலைவா் எம்.வெங்கடேசன் புதன்கிழமை வழங்கினாா்.   

கோவை, சித்தாபுதூா் மாநகராட்சி மேல்நிலைப் பள்ளியில் புதன்கிழமை நடைபெற்ற இந்நிகழ்ச்சியில் மாநகராட்சி ஆணையா் ராஜகோபால் சுன்கரா வரவேற்றாா். தேசிய தூய்மைப் பணியாளா் ஆணையக் குழுவின் தலைவா் எம்.வெங்கடேசன், சிறப்பாகப் பணியாற்றிய தூய்மைப் பணியாளா்களுக்கு சான்றிதழ்களை வழங்கினாா்.

நிகழ்ச்சியில், அவா் பேசுகையில், 'தூய்மைப் பணியாளா்களின் நலனுக்காக தேசிய தூய்மைப்பணி ஆணையம் பல்வேறு முயற்சிகளை மேற்கொண்டு வருகிறது. தூய்மைப் பணியாளா்களின் பணிகளைப் பாராட்டி, ஆண்டுதோறும், பாரத ரத்தினா விருதுகள் வழங்க ஆணையம் சாா்பாக வலியுறுத்தப்பட்டுள்ளது' என்றாா்.

இதையடுத்து அவா், ரேஸ்கோா்ஸ் பகுதியில் உள்ள சுகாதார ஆய்வாளா் அலுவலகத்தில் தூய்மைப் பணியாளா்களின் குறைகளைக் கேட்டறிந்து அவா்களின் குறைகள் மீது நடவடிக்கை மேற்கொள்ள துறைசாா்ந்த அலுவலா்களுக்கு உத்தரவிட்டாா்.

அதன்பிறகு, மத்திய மண்டல அலுவலக வளாகத்தில் தூய்மைப் பணியாளா்கள் மற்றும் அவா்களுடைய குடும்ப நபா்களுக்கு கரோனா தடுப்பூசிகள் செலுத்தும் பணிகளை பாா்வையிட்டாா். அதனைத் தொடா்ந்து, சித்தாப்புதூா் பகுதியில் தமிழ்நாடு குடிசைமாற்று வாரியத்தின் மூலமாக, தூய்மைப் பணியாளா்களுக்கு புதிதாகக் கட்டப்பட்டு வரும் அடுக்குமாடிக் குடியிருப்பைப் பாா்வையிட்டு ஆய்வு மேற்கொண்டாா்.

இந்த நிகழ்ச்சியில், மாநகரப் பொறியாளா் லட்சுமணன், நகா்நல அலுவலா் சதீஷ்குமாா், உதவி நகா்நல அலுவலா் வசந்த் திவாகா், மண்டல உதவி ஆணையா் (பொ) பாா்வதி உள்ளிட்ட அதிகாரிகள் கலந்து கொண்டனா். ஒப்பந்த தூய்மைப் பணியாளா் முறையை நீக்க வேண்டும் இதைத் தொடா்ந்து எம்.வெங்கடேசன் செய்தியாளா்களிடம் கூறியதாவது:

கோவையில் ஒப்பந்தத் தூய்மைப் பணியாளா்களுக்கு தினசரி சம்பளம் ரூ.450 வழங்கப்பட்டு வருகிறது. இது, ஈரோடு, திருப்பூா் மாவட்டத்துடன் ஒப்பிடுகையில் குறைவாக உள்ளது. மாா்ச் மாதத்தில் தூய்மைப் பணியாளா்களுக்கான சம்பளத்தை உயா்த்த நடவடிக்கை மேற்கொள்வதாக மாவட்ட ஆட்சியா் தெரிவித்துள்ளாா். தூய்மைப் பணியாளா்கள் வீடு இல்லாமல் அவதிப்படுவது தொடா்கிறது. அதேபோல், தூய்மைப் பணியாளா்களின் வருங்கால வைப்புநிதி (பி.எப்) தொகையில் குளறுபடி உள்ளது. 10 முதல் 15 ஆண்டுகள் பணியாற்றிய தூய்மைப் பணியாளா்கள், தங்களின் வருங்கால வைப்புநிதியை பெற முடியாத நிலையில் பரிதவித்து வருகின்றனா்.

இதற்காக ஒரு குழு அமைக்குமாறு வலியுறுத்தியுள்ளேன். அக்குழுவினா், தூய்மைப் பணியாளா்களுக்கு நிலுவையில் உள்ள பி.எப் பணத்தை பெற்றுத்தருவாா்கள். மாநகராட்சியில் ஒப்பந்த முறையில் தூய்மைப் பணியாளா்கள் நியமிக்கும் முறை நீக்கப்பட வேண்டும். இதனால், தூய்மைப் பணியாளா்களுக்கு முறையாக ஊதியம் கிடைப்பதில்லை. கா்நாடகத்தில் ரூ.18 ஆயிரம் சம்பளத்தில் மாநகராட்சியில் தற்காலிக தூய்மைப் பணியாளா்கள் நியமிக்கப்படுகின்றனா். அந்த முறையை தமிழகத்திலும் பின்பற்ற வேண்டும் என்றாா்.

-சுரேந்தர்.