ஜனவரி முதல் இதெல்லாம் மாறப்போகுது! புத்தாண்டிலிருந்து அமலுக்கு வரும் புதிய விதிமுறைகள்!!
இன்னும் சில நாட்களில், இந்த மாதம் மட்டுமல்ல 2020ஆம் ஆண்டே முடிவுக்கு வரப்போகிறது. ஜனவரி 1ஆம் தேதி முதல் புத்தாண்டு தொடங்குகிறது. இந்நிலையில், ஜனவரி 1ஆம் தேதி முதல் பல்வேறு புதிய விதிமுறைகள் அமலுக்கு வருகின்றன.
FASTag:
2017ஆம் ஆண்டு டிசம்பர் 1ஆம் தேதிக்கு முன் விற்பனை செய்யப்பட்ட அனைத்து நான்கு சக்கர வாகனங்களுக்கும் ஃபாஸ்ட் டேக் (FASTag) கட்டாயம் என மத்திய சாலைப் போக்குவரத்து மற்றும் நெடுஞ்சாலை துறை அமைச்சகம் அறிவிப்பு வெளியிட்டுள்ளது. இதன்படி, ஜனவரி 1ஆம் தேதி முதல் FASTag கட்டாயம்.
செக் பரிவர்த்தனை:
இந்தியா முழுவதும் இருக்கும் அனைத்து வங்கிகளிலும் செக் பரிவர்த்தனைகளுக்கு ‘பாசிடிவ் பே’ எனப்படும் புதிய முறை ஜனவரி 1ஆம் தேதி முதல் அமலுக்கு வரவிருக்கிறது. இதன்படி, 5000 ரூபாய்க்கு மேலான செக் பரிவர்த்தனைகளுக்கு செக் எண், தேதி, பணம் பெறும் நபரின் பெயர் உள்ளிட்ட முக்கிய விவரங்கள் வெரிபிகேஷன் செய்யப்பட வேண்டும்.
கார்டு பரிவர்த்தனைகள்:
தொடர்பில்லா கார்டு (contactless card) பரிவர்த்தனைகளுக்கான வரம்பை 2000 ரூபாயில் இருந்து 5000 ரூபாயாக உயர்த்தி ரிசர் வங்கி அறிவித்துள்ளது.
வாட்ஸ் அப்:
ஜனவரி 1ஆம் தேதி முதல் பழைய ஆண்ட்ராய்ட் மற்றும் iOS தளங்களுக்கு வாட்சப் செயலிக்கான ஆதரவு வழங்கப்படாது என வாட்சப் நிறுவனம் அறிவித்துள்ளது.
- நாளையவரலாறு செய்திகளுக்காக,
-பாரூக்.
Comments