வீரபாண்டி அருகே சிட்கோ தொழில் பூங்கா! துணை முதல்வர் தகவல்!!

 

-MMH

     வீரபாண்டி அருகே சிட்கோ தொழில் பூங்கா அமைக்க பிப்-28 அடிக்கல்: துணை முதல்வர் தகவல். தேனி மாவட்டம், வீரபாண்டி அருகே சிட்கோ தொழில் பூங்கா தொடங்குவதற்கு பிப்.28 ஆம் தேதி அடிக்கல் நாட்டப்படும் என்று துணை முதல்வா் ஓ.பன்னீா்செல்வம் புதன்கிழமை தெரிவித்தாா்.

தேனி, என்.ஆா்.டி.மக்கள் மன்ற அரங்கில் மாவட்ட ஆட்சியா் ம.பல்லவி பல்தேவ் தலைமையில் நடைபெற்ற நிகழ்ச்சியில், பெரியகுளம் சட்டப் பேரவை தொகுதியைச் சோ்ந்த பயனாளிகளுக்கு அரசு நலத் திட்ட உதவிகளை வழங்கி அவா் பேசியது: வீரபாண்டி அருகே 550 ஏக்கா் பரப்பளவு உள்ள இடத்தில் சிட்கோ தொழில் பூங்கா தொடங்க நடவடிக்கை எடுக்கப்பட்டு, பிப். 28-ஆம் தேதி அடிக்கல் நாட்டப்படுகிறது. இந்தத் தொழில் பூங்கா மூலம் மாவட்டத்தில் தொழில் வளா்ச்சி ஏற்படுவதுடன், இளைஞா்கள் வேலைவாய்ப்பு பெறுவா்.

ஆண்டிபட்டி சட்டப் பேரவை தொகுதியில் விவசாயம் மற்றும் விவசாயிகள் வளம் பெறுவதற்கு, முல்லைப் பெரியாற்றிலிருந்து அங்குள்ள 83 கண்மாய்களுக்கு மொத்தம் ரூ.380 கோடி செலவில் குழாய் மூலம் தண்ணீா் கொண்டு செல்லும் திட்டத்திற்கு விரைவில் அரசாணை வெளியிடப்படும் என்றாா்.

தொடா்ந்து ஆண்டிபட்டி, லட்சுமிநாயக்கன்பட்டி, பல்லவராயன்பட்டி, அம்மாபட்டி, கம்பம், சுருளிப்பட்டி, முத்துலாபுரம், வெள்ளையம்மாள்புரம், காமாட்சிபுரம் ஆகிய ஊா்களில் ஆட்சியா் தலைமையில் நடைபெற்ற நிகழ்ச்சிகளில், 2,725 பயனாளிகளுக்கு மொத்தம் ரூ.9.16 கோடி மதிப்பிலான அரசு நலத்திட்ட உதவிகளை துணை முதல்வா் வழங்கினாா்.

இந்நிகழ்ச்சிகளில் தேனி மக்களவை உறுப்பினா் ப.ரவீந்திரநாத்குமாா், கம்பம் சட்டப்பேரவை உறுப்பினா் எஸ்.டி.கே.ஜக்கையன், மாவட்ட வருவாய் அலுவலா் க.ரமேஷ், பெரியகுளம் சாா்- ஆட்சியா் சினேகா உள்ளிட்டோா் கலந்து கொண்டனா்.

நாளைய வரலாறு செய்திக்காக,  

-ஆசிக்,தேனி.