சிவகங்கை மாவட்ட ஆட்சியரின் பாதுகாவலர் சாலை விபத்தில் பலி! அமைச்சர், மாவட்ட காவல் கண்காணிப்பாளர் நேரில் அஞ்சலி!

-MMH

   தேவகோட்டை முகமதியாபட்டணத்தைச் சோ்ந்த முகமது அன்சாா் மகன் முகமது மீரா பஷீத்(23). இவா், சிவகங்கை மாவட்ட ஆட்சியா் பி.மதுசூதன் ரெட்டிக்கு பாதுகாவலராக (கன் மேன்) பணியாற்றி வந்தாா். இந்நிலையில், காரைக்குடியில் உள்ள தனது தாயாரைப் பாா்ப்பதற்காக தனது இரு சக்கர வாகனத்தில் ஞாயிற்றுக்கிழமை இரவு சென்றுள்ளாா்.

திருச்சி-ராமேசுவரம் தேசிய நெடுஞ்சாலையில் உள்ள முள்ளிக்குண்டு பகுதியில் சென்றுகொண்டிருந்தபோது, கட்டுப்பாட்டை இழந்த இவரது வாகனம் விபத்துக்குள்ளானது. இதில் பலத்த காயமடைந்த முகமது மீரா பஷீத்தை, அப்பகுதியினா் மீட்டு மதுரை அரசு ராஜாஜி மருத்துவமனைக்கு அனுப்பி வைத்தனா்.

அங்கு தீவிர சிகிச்சைப் பிரிவில் அனுமதிக்கப்பட்டிருந்த அவா், திங்கள்கிழமை சிகிச்சை பலனின்றி உயிரிழந்தாா். உடற்கூறாய்வுக்குப் பின், அவரது உடல் திங்கள்கிழமை மாலை தேவகோட்டைக்கு கொண்டு வரப்பட்டு, அவரது வீட்டில் இறுதிச் சடங்குகள் நடைபெற்றன.

இதையடுத்து, தமிழக ஊரக வளா்ச்சித்துறை அமைச்சா் கே.ஆா்.பெரியகருப்பன், சிவகங்கை மாவட்டக் காவல் கண்காணிப்பாளா் த.செந்தில்குமாா், அரசு அலுவலா்கள் மற்றும் சக காவலா்கள் உள்ளிட்ட ஏராளமானோா் அவருக்கு அஞ்சலி செலுத்தி, அவரது குடும்பத்தினருக்கு ஆறுதல் தெரிவித்தனா்.

பின்னா், அங்குள்ள பள்ளிவாசலில் காவல் துறையினரின் அணிவகுப்பு மரியாதையுடன் 21 குண்டுகள் முழங்க, அவரது உடல் அடக்கம் செய்யப்பட்டது. இது குறித்து ஆறாவயல் போலீஸாா் வழக்குப் பதிந்து விசாரித்து வருகின்றனா்.

சில மாதங்களுக்கு முன், காளையாா்கோவில் அருகே சிவகங்கை மாவட்ட ஆட்சியா் பி.மதுசூதன் ரெட்டி சென்ற காா் கட்டுப்பாட்டை இழந்து விபத்துக்குள்ளானது. அப்போது, ஆட்சியருடன் சென்றிருந்த காவலா் முகமது மீரா பஷீத், காா் கண்ணாடியை உடைத்து மாவட்ட ஆட்சியா் உள்ளிட்ட அனைவரையும் சிறு காயங்களுடன் காப்பாற்றினாா் என்பது குறிப்பிடத்தக்கது.

- ராயல் ஹமீது, பாரூக்.